而當你的仔囡大少少後(尤其是一歲後)，生第二個這個問題便會蜂擁而至~
講真生第二個唔係冇諗過，但生第二個係而家對我黎講唔係一個適合既時間囉~
係生完阿仔後，我最少有半年以上的時間是懼怕再生的~完全的顛覆了我以前的想法~(跪)
還沒有小孩之前，我是想生三個的，加上很多人都跟我說湊一個也是湊，湊二個是湊，何不一次辛苦算了~
想想覺得也頗有道理，放是便覺得三年抱兩，如果打孖黎更好，龍鳳胎就更理想啦，一生完就可以結紮，畢竟男同女都生左啦~
但生完後才發覺湊一個小朋友真的是不容易~
我知道有兄弟姊妹始終係好啲，第時我同王生有起咩事上黎，身邊都叫有個兄弟姊妹商量下~
但一想起要再經歷一次從頭黎過的辛苦，就有啲卻步
老實講，Matthew真的不算難湊，他很愛笑，不常喊，就算喊都易會笑返，係扭眼瞓果野(特別係未去嗯嗯時)難頂啲0即，其他時候都OK
而且他個多月時就已經戒左夜奶，讓我同王生可以一覺瞓天光~
王生又很自動自覺的幫手，好似沖涼、換片、沖奶等~又會係我快要發癲(通常快要冇耐性時)接手湊阿B，俾我鬆一鬆~
再加上很多人都同我講快趁老人家都仲有氣有力幫你時好快啲生多一件，如果唔係你自己湊時就知辛苦，冇咁輕鬆啦~
其實俾老人家湊，對我說來是其中一個因素令我不想生第二個住~
當我未生之前，佢地跟我講將來你們想用什麼方法湊，我們會配合的，因是你們的孩子嘛~
可是當生下來時就完全走調了~陳媽媽跟奶奶都算還好，起碼都會願意聽下，做下~
但我老爺就…佢覺得自己食鹽多過你地食米(但事實上佢係冇湊過王生三兄妹)
當然我是很感激老人家的幫忙啦，畢竟他們是因疼愛我跟王生的緣故才幫我們湊(當然更疼愛孫子啦~XD)
但正因為他們愛的緣故，Matthew覺得有人撐腰就變得有啲任性~因為佢知道就算點都好，老人家都會遷就佢、幫佢、救佢~
令到Mathhew有啲習慣唔好~(例如要追餵飯=.=)
所以如果生第二個，我希望我可以自己湊返~^^
那如果想自己湊返的話，經濟環境方面一定要負擔得起~
而且下一胎想係私生醫院度生囉~唔係想開刀，而係想等生時王生可以陪下自己，一個人真係好徬徨(可看回阿B出世啦)
生完後王生或者屋企人可以陪自己，幫下手照顧，等自己可以休息多啲，唔駛等到探病時間先有人幫手~
最重要一點係你真係好攰時，個BB係可以推入育嬰室等啲護士幫你湊，公立醫院係你一落得床，BB就會放係你身邊，除非要聽講座之類，不然是不會幫你湊的~
所以生第二個要儲多一啲錢慎防如果生時有咩事要額外俾多啲錢~
如果係同我地熟既人都知而家我地係咩環境，根本冇咩可能有很多餘錢，所以等環境穩定時先再諗生第二個~
反正我都仲好後生(呢個係無敵的理由~)，遲多三五七年都冇問題~
再加上王生話睇我意願，雖然佢自己覺得生2個會好啲
但我唔想生都冇問題，因為佢覺得女人生仔係用條命去搏(佢有陪產，同埋見到懷孕期間的辛苦)，所以如果我真係唔想生就唔好生(體貼的老公)
最重要係我已經生左個仔，對婆家有交代(我婆家係潮州人，未信主的)
對於生唔生第二個再冇屋企人的壓力~
仲有一個point係令我卻步的…
就係生完後我發覺得自己是個不合格的媽媽~(跪)
我發覺原來自己的耐性竟然是這麼少，忍耐力竟然是這麼的短…
相反王生的耐性竟然是出乎意料的好~(估佢唔到，熟佢既人都知佢好易爆啦~XD)
我成日都好易好燥，不自覺的罵了Matthew，然後就很內疚…
明明知道唔應該咁，但又忍唔到，反覆的循環，令我覺得我其實係唔係唔適合做人阿媽呢？
而且之前仲發生左Matthew拜偶像事件，完全的令我崩潰~
事緣係老人家全都未信，佢見佢地拜又跟住拜，老人家當然唔會阻止，反而好開心~
雖則佢地話會尊重我地信仰，唔會教阿仔拜偶像，但佢地見阿仔自己主動拜，當然唔會放過咁既機會啦~
呢件事令我覺得我完全係一個失職的母親~
我已經係環境唔係咁好時帶左阿仔黎呢個世界受苦~，仲要辜負神~
我做唔到一個代管者的責任，我竟然帶領唔到自己的孩子到主的面前~
呢件事令我打擊好大…
不過神好快就安慰左我，令到Matthew唔再拜偶像，仲學識祈禱~
就算要生第二個，都想等阿仔返學先，所以不要再問啦，時候到自然會生第二個架啦~XD
)
)
~果樣野唔俾佢做偏要做等)
)
(有小朋友的人都明啦，要小朋友定定地俾你影相很難
)
)
作為母親 (2)