MATTHEW媽的生活

隨著Matthew過左2歲大關，問生第二個呢個問題暴增！

其實生第二個呢個問題，我同王生真係有好認真咁傾過

生第二個起碼要等到Matthew讀書後先考慮，因為到時大個啲，起碼會知發生咩事，

唔會好似感覺啲人突然唔理佢咁

大個啲又可以幫下手，佢自己又可以打理一下自己，咁我又可以專心啲照顧個細既

再加上我同王生都比較自私，現階段黎講，我地都只係想專心啲咁對Matthew，想好好咁寵佢，

唔想讓另一個小朋友瓜分左我地對佢的愛住，所以生第二個真係未有咁早

王生話其實一個真係好夠，如果唔係怕佢會寂寞同到我地百年歸老時冇人同佢商量，

佢唔考慮生第二個，跟住有啲人同佢講話，咁係因為你生左個仔先咁講，

王生就話唔係，原本係想要女架

哈哈~係啊，呢個我可以做證，王生當初真係想要女，只不過後來證明左係仔先無奈咁接受咋~

同埋都係果個無敵答案啦，我仲後生，真係過多3、5、7年先再生都未遲，

亦都未到高齡產婦的定義~=v=

所以大家唔駛問啦，生第二個真係會生既(因我坐月唔好，點都要生多一個調理返個身體)，

總知現階段唔會考慮住啦~